Au... tak salah munyi tanya, nama tuju, nama pejalai penemuai kita ke sekali tu deh wai... ukai ga salah, tang semina ka nanya aja.
Nyalai, baka kita ke datai kitu ke saritu, nadai ga salah bekunsi ke cerita, bekunsi ke ensera. Nama berita bala kitai ke menua lama kitai di tinting ninding, kati gaya buah kitai di temawai tatai mengandai deh wai? Nyangka lebat buah dabai kitai ditanam aki manang gundai di temawai Ngeradai, batang begadai kelia.
Kita ke baru pulai bejalai ngagai menua ribai, bulih penemu sakang seribu, mai pemandai tau ngasuh jelai nama, tampak rita, iring sereta pegai meh jari bala anak bansa kitai, ngambi ke tau ngebung baka langit, entucung baka bukit.
Baka tudah diri, nadai ga bangat bisi maiuh penemu ti tau dipekunsi ka, semina nguji ngempung, nguji nyendia ka ruai alai kitai baum, besaum ke penemu, peneleba ari kita ke bisi agi lebih, ngambi kitai sama tau mansang seretai enggau urang
Pia mega, nyamai ku madah dulu, enggai ka kita bisi saru, cerita kita, ensera kita, semua nya nadai dibayar, pengamat enggau pemendar semuanya bepanggai ba kita ti becerita berensera nya. nyalai, kitai ke deka becerita, deka bekunsi ke ensera, diatu aku deka madah, berani nebang, anang enggai ngesan. ingat au?
No comments:
Post a Comment