JE nyaut kritikan

Lebuh maia makai malam di Makai Malam Gawai Dayak, SIDS Sekuau, kena 30.05.09, ia nyemetak amai endah puas ati ketegal sida suratkhabar 'ngalih' ke jaku ia ke bendar.

Nitih ke di terang ke ia maia makai malamnya, nadai sekali ia ngansak kitai muai leka jaku 'dayak' tang, ia ke bendar, kenu ko ia, 'leka jaku 'dan lain-lain'', nya ke bendar deka dibai ia diperamu ke perintah, ngambika ka nyematak sekali madah enggau terang baik ka nya iban, bidayuh, kayan, melanau, kenyah, beketan, lahanan. Bakanya reti utai ke dipadah ke ia maia 'press conference' ke dulu agi ari nya.

Ia berasai enda nyamai amat ati laban bala menyadi kitai di 'sepiak nyin' enda tentu nemu enggau terang leka jaku dayak nya ke bendar. Kenu ko ia, sida ia ke diau 'din' nyemaka ke dayak di sarawak tu enggau sida dayak ke agik telanjai, diau di atas pun kayu, sereta macam-macam utai ke enda tentu manah, enda tentu nyamai didinga meh ke selalu di sangka kaban menyadi kitai 'nyin'

lebuh maca komen siku ari sida ke nganjung komen ngagai dayakbaru.com, amai endar ga utai ko ia. Enti deka maca lebih agi, klik ditu

Nya ya... nya baru 1Malaysia, neh unggal!

YB kitai mai muai leka jaku 'DAYAK'.

Tekejut ninga jaku menteri kitai munyi nya, sapa-sapa meh ti ngasuh ia bejaku munyi nya kini?

Enda ibuh pulai gawai taun tu... nya ga ukai gawai dayak agi ga deh... kitai ga ukai dayak!

Manah ga nya kini, nyangka tau kurang bansa kitai majak ke pengawa ngirup bebasau ke anak belanja. Amai manah nya unggal enti amat munyi nya. Udah tu, nyangka tau manah agi gaya urang bekaul enggau bansa kitai, laban badu agi ngumbai diri empu dayak.

Enti kita ke empai maca empai ninga, tu munyi jaku YB kitai nya.

Manah meh nya unggal, pajak ke meh...

bisi ga seleka dua jaku timbal sida ke bukai,

Dr JBA ba dayakbaru

Ati Lurus ba dayakbaru

ibanabroad ba dayakbaru

Ngagai ke enda tentu landik nyepil sereta maca jaku english, kta tau maca versi bahasa melayu ditu

Dah nya maiuh macam agi kedalih